കൺപോളകളിലെ താരൻ - അവഗണിക്കരുത്! Dandruff in the eyelids - do not ignore!

മഞ്ഞുകാലം തുടങ്ങുമ്പോൾ, താരൻ പ്രശ്നം പലരുടെയും തലവേദനയാകും. തലമുടി, കൺ പീലികൾ  എന്നിവിടങ്ങളിലെ ഈ വെളുത്ത തൊലികൾ പലപ്പോഴും എളുപ്പത്തിൽ ശ്രദ്ധിക്കപ്പെടുന്നില്ല. എന്നാൽ, താരന്റെ അതി പ്രസരം ശാരീരികവും ദൈനംദിന ജീവിതത്തിലും പ്രശ്നങ്ങൾ സൃഷ്ടിക്കാൻ സാധ്യതയുള്ളതിനാൽ ഇത് മറികടക്കുക അത്യാവശ്യമാണ്. തലമുടിയിലും കണ്ണിന് ചുറ്റും പ്രത്യക്ഷപ്പെടുന്ന താരൻ ചിലർക്കും ഒരു ചെറിയ പ്രശ്നമായിരിക്കാം തോന്നുക. പക്ഷേ, ഇത് ശരിയായ ശ്രദ്ധ കിട്ടാതിരുന്നാൽ കണ്ണിന്റെ ദൃശ്യശേഷി വരെ അപകടത്തിലാക്കുന്ന രോഗങ്ങളിലേക്ക് കടക്കാം. 

കൺപോളകളിലെ താരൻ എന്ത്?

കൺപോളകളിലെ രൂപപ്പെടുന്ന താരനെ ബ്ലെഫറൈറ്റിസ് എന്ന് വിളിക്കുന്നു. ഇത് കണ്ണിന്റെ തൊലിയിലും കൺപീലികളുടെ അടിഭാഗത്തും  വെളുത്ത നിറത്തിൽ തൊലികളായി കാണപ്പെടുന്നു. സെബോറിയിക് ഡർമറ്റൈറ്റിസ്, ഫംഗസ് വളർച്ച, മൈറ്റുകൾ പോലുള്ള ചെറിയ പരാഗ ജീവികൾ എന്നിവയാണ് ഇതിന് പ്രധാന കാരണം.

കൺ പോളകളിലെ താരന്റെ പ്രധാന ലക്ഷണങ്ങൾ:

• കണ്പോളകൾക്ക് ചുറ്റും ഉള്ള കടിച്ചിലും തൊലികളും

• കണ്ണിലെ ചുവപ്പ്, വീക്കം

• കണ്ണിൽ അനുഭവപ്പെടുന്ന വരൾച്ച

• നേരിയ വെളിച്ചത്തിൽ പോലും അസഹിഷ്ണുത കാണിക്കുക

• രാവിലെ ഉണർന്നാൽ കണ്ണുകൾ പഴുപ്പോടുകൂടി ചലിപ്പിക്കാൻ കഴിയാതിരിക്കുക.

കണ്പോളകളിലെ താരൻ വെറും കാഴ്ചക്ക് പ്രശ്നം മാത്രം അല്ല; ഇത് ശരിയായി ചികിത്സിക്കാതിരിക്കുകയാണെങ്കിൽ:

• കണ്ണിന്റെ സ്ഥിരമായ ചുവപ്പ്

• വരൾച്ച മൂലം കൺപോളകൾക്കുണ്ടാകുന്ന പ്രശ്നം 

• കണ്ണിലെ കോർണിയയ്ക്ക് തകരാറുകൾ

• ദീർഘകാലത്തേക്ക് കണ്ണിന്റെ ദൃശ്യശേഷി നഷ്ടപ്പെടാനുള്ള സാധ്യത

താരനെ തടയാനും നിയന്ത്രിക്കാനും മാർഗങ്ങൾ

ശ്രദ്ധാപൂർവ്വം ശുചിത്വം പാലിക്കുകയും ചെറിയ ശീലങ്ങൾ മാറ്റുകയും ചെയ്താൽ താരനെ നിയന്ത്രിക്കാം.

ചെയ്യേണ്ടതും ശ്രദ്ധിക്കേണ്ടതും:

1. ടി-ട്രി ഓയിൽ അടങ്ങിയ മൃദുവായ ഫേസ് വാഷ്  ഉപയോഗിച്ച് കണ്ണിന്റെ ശുചിത്വം ഉറപ്പാക്കുക.

2. ഉറങ്ങുന്നതിനു മുമ്പ് mascara, eyeliner എന്നിവ നീക്കം ചെയ്യുക.

3. തലമുടിയിലെ താരൻ നിയന്ത്രിക്കുക

4. കോൺടാക്റ്റ് ലൈൻസുകൾ ശുചിത്വത്തോടെ ഉപയോഗിക്കുക.

ഒഴിവാക്കേണ്ടത്:

1. കാലഹരണപ്പെട്ട കണ്ണു മേക്കപ്പ് ഉൽപ്പന്നങ്ങൾ ഉപയോഗിക്കരുത്.

2. നിങ്ങളുടെ മേക്കപ്പ് സാധനങ്ങൾ മറ്റുള്ളവരുമായി പങ്കിടരുത്.

3. ലൈറ്റായ പ്രമുഖ-ബ്രാൻഡഡ് ലോഷനുകൾ മാത്രം ഉപയോഗിക്കുക.

കൺപോളകളിൽ താരൻ രൂപപ്പെടുന്നത് പലപ്പോഴും തലമുടിയിലെ താരന്റെ വികസനത്തിന്റെ ഭാഗമാണ്. സെബോറിയിക് ഡർമറ്റൈറ്റിസ്, അലർജി, അല്ലെങ്കിൽ വരണ്ട ചർമം എന്നിവയാണ്  പ്രധാനമായും ഈ പ്രശ്നങ്ങൾ ഉണ്ടാക്കുന്നത്.

താരൻ ഒരു ചെറിയ പ്രശ്നംപോലെയാണ് തോന്നുക, പക്ഷേ അത് ഗൗരവകരമാക്കുന്നത് നിങ്ങളുടേതായ ശീലങ്ങളാണ്.ശുചിത്വവും പ്രതിദിന ശ്രദ്ധയും കൊണ്ട് കണ്ണുകളുടെ ആരോഗ്യത്തിനായി ഒരു പടി മുന്നോട്ട് വെക്കാം. നിങ്ങളുടെ കണ്ണുകൾക്കുള്ള സംരക്ഷണവും അവരുടെ ഭാവിയും നിങ്ങളുടെ കൈകളിൽ!